ජනාධිපති ගෝඨාභය රාජපක්ෂ පසුගිය දිනකිහිපයේ ගත් ක්‍රියාමාර්ග වලදි ඔහු බොහොම පරිසරහිතකාමි පිරිසිදුකම ගැන හිතන අලුත් විදියට වැඩකරන බවක් පෙන්වීමට උත්සාහ කලා..කැලිකසල එකතු කිරීම විධිමත් කිරීමේ සිට නගර වල යාචකයන් සහ පදික වෙළදුන් ඉවත්කිරීමට පවා ඔහු කටයුතු කලා..
නමුත් අද වනවිට ඔහුගේ මෙම ප්‍රදර්ශණකාමී පරිසර සංරක්ෂණ ව්‍යාපෘති හමුවේ සුරාන්තයට ලගාවී සිටි ජනතාවගේ ආතල් එක කුඩු කරමින් ,ප්‍රථිපත්ති ප්‍රකාශන වල පරිසර සංරක්ෂණය ගැන ලියාතිබූ වචන සුපුරුදු පරිදි මැතිවරණයේදී ජනතාව මුලා කරමින් චන්දය කොල්ලකෑමේ හුදු ප්‍රලාප පමණක් බව නැවත් වරක් සනාථ කරමින් ගෝඨාභයගේ පරිසර ප්‍රේමයේ සැබෑ නිරුවත අද වන විට සමාජය ඉදිරියේ ප්‍රදර්ශණය කරමින් සිටී..ඒ නැවත වතාවක් ජාවාරම්කාර මැති ඇමතිවරුන්ගේ හා ව්‍යාපාරිකයන්ගේ මනදොළ පිනවීම සදහා වැලි,පස් සහ ගල් ප්‍රවාහනයට තිබු එකම නියාමනය වන බලපත්‍ර අහෝසි කිරීමට කටයුතු කරමිනි.
ගංගාවකින් හෝ වෙනත් ජලපහරකින් වැලි එක්රැස් කිරිම සිදුකල යුතු පරිසර විද්‍යාත්මක ක්‍රමවේදය වන්නේ එම ගංගාවේ වාර්ශික අපසාදන ගලායැම විද්‍යාත්මකව ගනන් බලා (Sediment flow Modelling) වැලිඑක්රැස්වන ස්තාන වලින් ගංගාව හා ආශ්‍රිත පරිසර පද්දතිවල පැවැත්මට හානිකර නොවන ප්‍රමානය එක්රැස් කිරිම.
නමුත් ඒසහදහා අවශ්‍ය නිවැරදි දත්ත අප සතුව නොමැති බැවින් බොහෝවිට සිදුවන්නේ භුවිද්‍ය හා පතල් කාර්යංශය (GSMB) මගින් යම් නිශ්චිත වැලි තොටුපලවල් සදහා මාසිකව කැනිම් බල පත්‍ර ලබා දිම සහ දිනකට පමනක් වලංගු ප්රවාහන පලපත්‍රයක් නිකුත් කිරිම.
මෙම ක්‍රියාදායම අතිශයින් දුෂිත නිලදාරින් විසින් විසින් ජාවාරමක් බවට පත්කරගෙන පැවතියත් යම් ආකාරයකහෝ නියාමනයක් ඇතිව තිබෙන්නේ මෙම බලපත්‍රය නිසා.
නියාමනයකින් තොරව වැලිකැනිමේ බරපතල පාරිසරික හානියට අපේ ප්‍රදාන ගංගා සියල්ලම මුහුනදි තිබිම හෙුතුවෙන් වෙලරල කලාපයට ආසන්න වනටවිට ගංගා සියල්ලෙහිම පාහේ පතුල පවතින්නෙ මුහුදු මට්ටමට වඩා පහලින්.
මේ නිසා ලවන ජලය ගංගා ඔස්සේ ඉහලට පැමිනිමත් ජලයේ ලවනතාවය වෙනස්විම විසින් මිරිදිය මත්ෂයින් හා ජලජ ජීවින්ගේ පැවැත්ම අනතුරට ලක්වනවා මෙන්ම නාගරික ප්‍රදේශ වලට පානිය ජලය සපයන ජල තුලුමං(වටෙර් ඉන්ටකේ තුලට ලවන ජලය පැමිනිම බරපතල අර්බුදයක් බවට පත්ව තිපෙනවා.
දැනට පවතින නීතිමය අවහිරකම් යටතේ පවා දූෂිත නිළධරයන්ගේ ආශිර්වාදයෙන් ගංගා වලින් වැලි ගොඩදමමින් මෙවැනි පාරිසරික අවදානමක් නිර්මාණය කර තිබියදී "පනින රිලවුන්ට ඉණිමන් බදිමින්" ගත් මෙම තීරණය හේතුවෙන් ඇතිවන පාරිසරික අර්බුධ හමුවේ පීඩාවට පත්වීමට සිදුවන්නේ මෙම තීරණගත් පාලකයන්ටවත් ඒ අවසරයෙන් පරිසරය විනාශ කරමින් ලාභ ගරන ව්‍යාපාරිකයන්ටවත් නොව සාමන්‍ය ජනතාවට සහ අනාගත පරම්පරාවටයි..
0 comments:
Post a Comment