Esoft ආයතනයෙන් සිසුවියන් දෙදෙනාට තර්ජන... | Ginisiluwa

Tuesday, September 11, 2018

Esoft ආයතනයෙන් සිසුවියන් දෙදෙනාට තර්ජන...

අධ්‍යාපන කඩ එපා!
අසාධාරණයට පත් සිසුවියන් දෙදෙනාට වහාම සාධාරණය ඉටුකරනු!

යන තේමාවෙන් අද දින, ගම්පහ Esoft ආයතනය ඉදිරිපිට පැවති විරෝධතාවට සම්බන්ධ වීමට පැමිණි, අසාධාරණයට පත්වු සිසුවියන් දෙදෙනාට Esoft ආයතනයේ ආචාර්යවරැ දෙදෙනෙකු විසින් තර්ජනය කර තිබිණ. විරෝධතාව ආරම්භ වීමට පෙර එම ස්ථානයට පැමිණි එම ආචාර්යවරුන් දෙදෙනා, සාධාරණය ඉල්ලා එම ස්ථානයට පැමිණි සිසුවියන් දෙදෙනාගේ චායාරෑප ලබගෙන ඔවුන් බියවැද්දීමට කටයුතු කර තිබෙි. එහෙත් නිදහස් අධ්‍යාපනය උදෙසා සිසුජන ව්‍යාපාරය විසින් කැඳවා තිබු විරෝධතා උද්ඝෝෂණය ගම්පහ Esoft ආයතනය ඉදිරිපිටදී පවත්වන ලදී..

0 comments:

Post a Comment

Subscribe to: Post Comments (Atom)

වැලිවේරිය,
රූකාන්ත, චන්ද්‍රලේඛා සහ
තවත් කතා

මාධ්‍ය තුළ තිබූ සිරස්තලයක් - ‘‘වැලිවේරිය පුදුමාතලන් වූ හැටි!’’ මෙය ජීවිත කාලයක් තුළ අප අත්විඳින්නට බලාපොරොත්තු නොවූවකි. අප බලාපොරොත්තු වූයේ අපේ ඇස් පියවෙන්නට පෙර ‘‘ශ‍්‍රී ලංකාව සංවර්ධිත රටවල් අතරට එක් වේ’’, ‘‘‍ශ‍්‍රී ලංකාවේ ආර්ථිකය සිංගප්පූරුව ද ඉක්මවයි’’, ‘‘සියලූ‍ ජාතීන් එක්ව කටයුතු කරන සුන්දර රටක්’’ වැනි සිරස්තලය. නමුත් වාසනාව මෙන්ම අවාසනාව ද රජකරන කල්පයකට අප ඇතුලත්ව තිබේ. අපි වරක් සුනාමියෙන් පසු ලංකාව හැදෙයි කියා සිතුවෙමු, එයින් යමක් සිදුනොවූ තැන අප 2009 යුධ ජයග‍්‍රහණයෙන් පසු ලංකාව හැදෙයි කියා සිතුවෙමු. නමුත් ඒ සියල්ල විසිරී බොඳව යන බව පෙනෙන්නට ඇත. රූකාන්ත, චන්ද්‍රලේඛා සහ වැලිවේරිය සම්බන්ධ වන්නේ කෙසේද? රූකාන්ත සහ චන්ද්‍රලේඛාට නීතිමය බැඳිමකින් සම්බන්ධයක් ඇතත් පෙනෙන ආකාරයට වැලිවේරියට ඔවුන්ගේ ඇති සම්බන්ධතාවය ඔවුන් ජීවත්වන රටේ එක්තරා ප‍්‍රදේශයක් වීම හෝ ඇතැම් විට වැලිවේරියේ ප‍්‍රසංගවලට ඔවුන් සහභාගීවීම විය හැක. නමුත් ගැඹුරින් සිතා බැලූ කල්හි, එතනට එහා ගිය යමක් දක්නට පුළුවන්ය. වැලිවේරියේ රතුපස්වල ජනතාව පිරිසිදු පානීය ජලය ඉල්ලා උපවාස උද්ඝෝෂණ කළ අතර හමුදාව යොදා ඔවුන් ඉවත් කිරීම සිදුකරන විට එය ගැටුමක් දක්වා දුර දිග ගිය අතර හමුදාවෙන් පොලූ‍ හා වෙඩි පහරවල් ද ජනතාවගෙන් ගල් මුල් බෝතල් පහරවල් ද එල්ල වෙද්දී එයට මැදිහත්වූ ජනතාව මාධ්‍යවේදීන් මෙන්ම හමුදාවේදී අය ද තුවාල වන්නට ඇත. හමුදාව ප‍්‍රශ්නයට මැදිහත් වූයේ තනියම හිතා නොවන බව පොඩි එවුන් පවා දනී. නමුත් හමුදාව එසේ පැමිණ සිවිල් ගැටළුවක් ගැටුමක් දක්වා දුර දිග යවා අවසානයේ එයට මැදිහත්වුණු පාසල් දරුවන් මිය යාමට තුවක්කු හැරවීම ඛේදවාචකයකි. ජනතාවට විරෝධතා දැක්වීමේ අයිතිය ඇත. ඔවුන් මහජන සාමයට බාධා කරනවානම් එයට කටයුතු කල යුතු විදියක් ඇත. කෙසේ හෝ හමුදාව මහජනයා දෙසට තුවක්කුව හැරවූයේ ඉහළින් ලැබුණු අණින්ය. රූකාන්ත හා චන්ද්‍රලේඛා මෙම සිදුවීමට සම්බන්ධවන්නේ මෙසේය. පසුගිය චන්ද්‍රිකා ආණ්ඩුව කාලයේ එජාපයට වැඩ කල රූකාන්ත යුවළට හිරිහැර කිරීමට අදාළව ජනාධිපති ආරක්ෂක අංශයේ සෙබළුන්ට දඬුවම් ලැබුණේ ගිය සතියේය. එදා ඔවුන් රූකාන්තලාට අඩම්තේට්ටම් කරන්නට ඇත්තේත් තනියම හිතලා නොව ඉහළින් ලැබුණ අණටය. නමුත් අද ඉහළින් අණදුන් ඇත්තන් තනතුරුවල හෝ ලංකාවේ නැති වෙන්නට පුළුවන්ය. එම නිසා අවසානයේ දඬුවම ලැබුණේ අණ පිළිපැද නිල ලත් චණ්ඩි වන්නට ගිය ආරක්ෂක අංශයේ සෙබළුන්ය. වැලිවේරිය හා රූකාන්තලා දැඩි ලෙස සම්බන්ධ වන්නේ මෙතනදීය. එසේනම් අද අවි අතට ගෙන සිවිල් ගැටළුවල දී නිල ලත් චණ්ඞීන් ලෙස හැසිරෙන ආරක්ෂක හමුදාව දත යුත්තේ, දඬුවම් විඳින්නට සිදුවන්නේ අණ ක‍්‍රියාත්මක කළවුන්ට මිස අණ දෙන්නවුන්ට නොවන වගය. එබැවින් ඉහළ අණ ඉක්මවා කටයුතු කිරීමේදී වර්තමානයේ ලැබී ඇති උදාහරණ සිතා බලා කටයුතු කිරීම වඩාත් වටී. එසේම වැලිවේරියේ දී පොලූ‍ පහරවල් වදිනවිට මිනිස්සු දෑත් ඉහළට ඔසවා කල ප‍්‍රකාශ කීපයක් අප පහතින් ඉදිරිපත් කරමු. ‘‘‍අනේ පුතේ... උඹලා ඇයි අපිට ගහන්නේ.. මේ අත් වලින් තමයි උඹලා කොටියගෙන් බේරන්න කියලා බෝධි පූජා තිබ්බේ පොල් ගැහුවේ.. ’’ ‘‘‍අනේ මල්ලියේ... තව ගහපල්ලා උඹලා අපිට... මේ මගේ ලේ යකෝ... මේ ලේම තමයි උඹලා වෙනුවෙන් මම විසි සැරයක් දන් දුන්නේ.. තව ගහපන් ලේ යන්න’’ ‘‘උඹලා අපිට වෙඩි තියලා මදි යකෝ... කොටියා වෙඩි තියලා මලා නම් අපිට දුකක් නෑ යකෝ.. ඒත් අපිට වෙඩි තියන්නේ අපේම එවුන්...’’ ‘‘අපි රටක් රාජ්ජයක් ඉල්ලූ‍වේ නෑ යක්කුනේ... අපි ඉල්ලූ‍වේ වතුර... වතුර විතරයි... ඒ නොමැරී ඉන්න...’’ ලේ වැගිරී ඇත. එය ඛේදවාචකයකි. ඉතිරි කොටස බාර ජනතාවට ය.

www.boondi.lk

වෙබ් පිටුව ඇසුරෙන්