කොරෝනා ව්‍යාප්තිය නිසා වියට්නාමය Lock-down ද කර ඇත.මේ නිසා එදාවේල හොයාගෙන කාපු මිනිස්සු බොහොමයක් අපහසුතාවයන්ට මුහුණදෙමින් සිටිනවා.මේ පීඩාවටපත් සහෝදර ජනතාව වෙනුවෙන් සහයෝගයක් ලබාදීමට වියට්නාමයේ බෝතල් එකතු කරන කම්කරුවකු විසින්, පැය 24 පුරාවටම සහල් ලබාගත හැකි ස්වයංක්‍රීය ට්‍රේලර් යන්ත්‍රයක් නිපදවා තිබෙනවා..මේ නමින්,හොං ටුවාන් අන් වන ඔහුගේ කතාවයි,
"මේ වසංගතය නිසා කන්න වේලක් හොයාගන්න බැරිව අසරණ වෙලා ඉන්න පවුල් ගොඩක් මම දැක්කා.එයාලට උදවුවක් කරන්න යන්න විදියකුත් නෑ මේ තියෙන තත්වය එක්ක..මොකද ඒක රෝගය ව්‍යාප්ත වෙන්න හේතුවක් වෙන්න පුළුන්නෙ.ඒ නිසා තමයි මම ගෙදර තිබ්බ පරණ යන්ත්‍රසූත්‍ර කෑලි ටික එකතු කරල මේ සහල් බෙදන ට්‍රේලර් යන්ත්‍රය හැදුවෙ.පැය 24 පුරාවටම ඕනම කෙනෙක්ට ඇවිත් බොත්තමක් විතරක් ඔබල තමන්ට අවශ්‍ය සහල් අරගෙන යන්න පුළුවන්.."
ඔහු මෙහි තේමාව ලෙස අරගෙන තිබෙන්නෙ, "ඔබට අවශ්‍ය නම් ටිකක් ගන්න,ඔබ හොදින් නම් එය වෙනත් කෙනෙකුට ඉතිරි කරන්න" යනුවෙන්..තවද ඔහු පවසන්නේ "සෑම සහල් මල්ලක්ම ආදරයේ ත්‍යාගයක් බවයි"..
මොහොතක් සිතන්න..ලොව පුරාම යම් ආර්ථික හැකියාවක් තිබෙන අය තරගයට සුපර්මාකට් හිස් කරද්දි,වසර ගණනාවක් මුළුල්ලේ වී ගොවියාගෙන් රුපියල් විසි තිස් ගාණට කුණු කොල්ලෙට වී ටික අරගෙන රුපියල් 100ට 110ට හාල් කිලෝව විකුණමින් ගොවියා සහ පාරිභෝගිකයා දෙන්නම සූරගෙනකමින් දවසකට රුපියල් කෝටියට වඩා ලාභ කදු ගොඩගසමින් සිටින ඩඩ්ලි සිරිසේන,සිරිපාල ගම්ලත් වගේ මහා පරිමාණ මෝල් හිමියන් මෙවැනි ව්‍යසනයක් වෙලාවකදිවත් එක රුපියල් දෙකකින්වත් හාල් මිල අඩු නොකරපු තත්වයක් තුළ නිකම්ම නිකන් බෝතල් එකතු කරන කම්කරුවකු වෙච්චි "හොං ටුවාන් අන්" විසින් පෙන්වන මානව ප්‍රේමය,මානව ගුණාංගය නොවෙද අපිට මේ ව්‍යසනයෙන් මිදී යහපත් ලොවක් නිර්මාණය කරගැනීමට අවැසි වෙන්නෙ.
0 comments:
Post a Comment