ඇමරිකාව තුළ කොරෝනා ව්‍යාප්තිය වර්ධනය වනවාත් සමගම අප්‍රේල් මුල සිටම නිව්යෝර්ක් හි ස්ටටෙන් පිහිටි ඇමසන් සමාගමේ ගබඩාවල රැකියාවේ නියුතු සේවකයින් විරෝධතා සහ උද්ඝෝෂණ ක්‍රියාමාර්ග වල නිරතවනු දක්නට ලැබිණ.එයට හේතු පාදක වූයේ නිව්යෝර්ක් නගරය කේන්ද්‍රව කොරෝනා වෛරසය සීඝ්‍රයෙන් ව්‍යාප්තවෙමින් ලක්ෂ ගණනින් පුද්ගලයින් ජීවිතක්ෂයට පත්වෙමින් තිබෙන පසුබිමකදී පවා නිසි ආරක්ෂිත තත්වයන් නොමැතිව ඔවුන්ට සේවයේ යෙදීමට සිදුවීමයි. ඇමසන් සේවකයින් ගෙනගිය මෙම හුදකලා අරගලයේ දී පසුගිය ජාත්‍යන්තර කම්කරු දිනය දා සුවිශේෂී යමක් සිදුවිය.එනම් ජාත්‍යන්තර කම්කරු දිනය දා නිව්යෝර්ක් හි ස්ටටෙන් දිවයිනේ පිහිටි Amazon බඩු ගබඩාවක් ඉදිරිපිට විරෝධතාවයේ යෙදී සිටි ඇමසන් සේවකයින්ට සහයෝගීතාව පළකරමින් එරට සෞක්‍ය නිලධාරීන්, පොදු ප්‍රවාහන රියදුරන්, කුලීවැඩකරුවන් වැනි වැඩ කරන පන්තියේ ජනතාව එකතුවීමයි. මෙසේ එක්රැස් උනේ අන්කිසිකවට නොවේ, ඔවුන්ට දැනට තිබෙනවාට වඩා වැඩ කරන්න හොඳ සහ ආරක්ෂිත පරිසරයක් නිර්මාණය කරදෙන්නැයි ඉල්ලමින්. ඔවුන් තරයේ කියා සිටියේ Amazon සමාගමේ වැඩ කරන කම්කරුවන්ට දැනට පවතින ආරක්ෂක විදිවිධාන තවදුරටත් වැඩි දියුණු කලයුතු බවයි. මෙම උත්ගොෂණය ක්‍රියාත්මක උනේ Whole Foods, Instacart, FedEx, Target, Walmart සහ Shipt යන සමාගම් වල කර්මාන්තශාලා සේවකයෝද මැයි දිනය දවසේ රාජකාරි අතහැර ආරක්ෂක විධිවිධාන වැඩි කරන මෙන් බල කරන්නට සැරසී සිටි අවස්ථාවකදීය. මෙම උද්ඝෝෂණයේ අතරේ සිටි "ට්‍රේ ක්වාන්" වෘත්තියෙන් හෙදියක් වන අතර ඇය පවසා සිටියේ "කොරෝන වසංගතයට එරෙහි සටනේ ඉරිදිපෙල මෙලෙස ආරක්ෂිත ක්‍රමෝපායන් වෙනුවෙන් හඬනගන, Amazon වැනි කර්මාන්තශාලා වල කම්කරුවන් වන අතර මෙම සටනේ අන්තිම තුරුන්පුව සෞක්‍ය ක්ෂේශ්ත්රය බවයි. රෝගීන් රෝහල්ගත වන සෑම වාරයක් පාසා අප පරක්කුයි".
"විශේෂයෙන් අපේ සටන රාජ්‍යයට සහ ධනවාධයට විරුද්දවයි. අපි මෙලෙස එකමුතුව සිටින විට අපව නවත්තන්නට බැහැ", ඇය තවදුරටත් පවසා සිටියා.
0 comments:
Post a Comment